А. Хадановіч
Сто пудоў адзіноты
I just call to say I love you
Stevie Wonder
сто пудоў адзіноты больш чым пацягне ліфт
за акном то зьліва по пролівень то залева
ходзяць думкі налева і ўлева скланаяцб шрыфт
і пішу пачынаючы з рыфмаў справа налева
сёння дзень і ноч пагадзіліся на нічыю
і ніякай нябеснай манны максімум манка
а назаўтра вечар з раніцы зуб даю
гэта восень будзе вільготнаю як німфаманка
гэта восень будзе вільготнаю сто пудоў
нібы горла не прасыхацьме ад небакраю
але будзь я нават нэграм пахілых гадоў
я вазьму тэлефон і скажу што цябе кахаю